6-га жніўня 1517 года Францыск Скарына выдаў Псалтыр, што дае нам сёння права з гонарам адзначаць 500-годдзе беларускага кнігадрукавання. Калектыў Беларускага N-корпусу таксама далучаецца да святкавання гэтай вялікай падзеі і ў якасці падарунка прэзентуе Біблійны корпус.
Корпус змяшчае 16 перакладаў Бібліі на беларускую мову, а таксама тэксты на іншых мовах (лаціна, яўрэйская, украінская, польская і інш.) для параўнання. Пры дапамозе Біблійнага корпусу вы зможаце супаставіць тэксты перакладаў, а таксама знайсці патрэбнае слова і паглядзець варыянты яго перакладу ў розных выданнях.
Корпус змяшчае наступныя пераклады Бібліі на беларускую мову :
- Францыска Скарыны (адаптацыя тэксту зроблена Алесем Бразгуновым. Цалкам тэкст будзе выстаўлены пасля выхаду друкаванай кнігі)
- Каталіцкага Касцёлу (Пераклад кніг Новага Запавету здзейснены Секцыяй па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры ККББ, станам на 24-May-2016)
- Беларускага Экзархату Маскоўскага Патрыярхату (Пераклад Біблейскай камісіі станам на 24-May-2016)
- Лукаша Дзекуць-Малея і Антона Луцкевіча ды іншых (падаецца паводле chasaslovec.info станам на 30-Dec-2012)
- кс. Вінцэнта Гадлеўскага (падаецца паводле chasaslovec.info станам на 30-Dec-2012)
- Леаніда Галяка (падаецца паводле chasaslovec.info станам на 05-Jan-2013)
- Вітаўта Тумаша (падаецца паводле chasaslovec.info станам на 05-Jan-2013)
- кс. Пётры Татарыновіча (падаецца паводле chasaslovec.info станам на 05-Jan-2013)
- Яна Станкевіча (падаецца паводле chasaslovec.info станам на 15-Jan-2013)
- кс. Уладзіслава Чарняўскага - арыгінальны тэкст перакладу (падаецца паводле chasaslovec.info станам на 05-Jan-2013)
- кс. Уладзіслава Чарняўскага - у першай рэдакцыі 1999 г. (падаецца паводле chasaslovec.info станам на 05-Jan-2013)
- кс. Уладзіслава Чарняўскага - Пяцікніжжа ў новай рэдакцыі 2002 г. (падаецца паводле knihi.com станам на 03-Nov-2016)
- Анатоля Клышкі (падаецца паводле chasaslovec.info станам на 05-Jan-2013)
- Васіля Сёмухі (падаецца паводле knihi.com станам на 03-Nov-2016. Ён адрозьніваецца ад друкаванага выданьня выпраўленьнямі Васіля Сёмухі што былі заўважаныя пасьля друку)
- Міхася Міцкевіча (падаецца паводле ... станам на 21-Oct-2016)
- Антонія Бокуна (падаецца паводле knihi.com станам на 03-Nov-2016) - пад ліцэнзіяй CC-BY-NC-ND 4.0
Для параўнаньня былі ўключаныя таксама асобныя небеларускія пераклады:
- Септуагінта (падаецца паводле manuscript-bible.ru станам на 30-Dec-2016)
- Biblia Hebraica Stuttgartensia (падаецца паводле manuscript-bible.ru станам на 30-Dec-2016)
- Nova Vulgata (падаецца паводле vatican.va станам на 21-Oct-2016)
- Переклад Івана Агіенкі (Іван Огієнко) (падаецца паводле wikisource станам на 30-Dec-2016)
- Biblia Tysiąclecia (падаецца паводле www.biblia.deon.pl (Tekst IV wydania opublikowany został w Internecie w 1998 i w 2003, początkowo w serwisie biblia.poznan.pl, następnie biblia.deon.pl) станам на 21-Oct-2016)
- Рускі сінадальны пераклад (падаецца паводле модуля BibleQuote)
З пытаннямі і прапановамі звяртайцеся на адрас bnkorpus@gmail.com